Azərbaycanla Rusiya arasında uçuşlar real tələbatdan aşağıdır

“Azərbaycan və Rusiya uçuşların həyata keçirildiyi istiqamətləri artırmaq niyyətindədir”.

Aznews.info Trend-ə istinadən xəbər verir ki, bunu Bakıda keçirilən Azərbaycan-Rusiya regionlararası forumu zamanı Rusiyanın Turizm üzrə Federal Agentliyinin (“Rosturizm”) beynəlxalq əməkdaşlıq idarəsinin rəhbəri Valeriy Korovin deyib.

Onun sözlərinə görə, hazırda iki ölkə arasında uçuşlar 6 istiqamətdə həyata keçirilir, bu isə real tələbatdan aşağıdır:

“Hazırda Bakıdan Rusiyanın cəmi 6 şəhərinə aviareyslər var, amma Rusiyanın milyonluq şəhərlərinin sayı 14-dür. Onların hər birində potensial turist bazası mövcuddur”.