Eyni soyadlı insanların yaşadığı dünya ölkələrini göstərən sayt yaradıldı

Sizinlə eyni soyadı daşıyan insanların harada olduqları haqda heç fikirləşmisiniz?

Aznews.info technote.az saytına istinadən xəbər verir ki, “Forebears” adlı veb-saytında 11 milyon soyad öz əksini tapıb.

2012-ci ildə fəaliyyətə başlayan layihə qəzetlərdə keçən soyadların, soyad köklərinin qeyd olunduğu veb-saytlarının və bəzi pullu mənbələrin məlumatlarını alır. Saytda, həmçinin hansı soyadın hansı ölkədə çoxluq təşkil etdiyi, soyadın ölkədə nə qədər insan tərəfindən istifadə olunduğunu, soyadların anlamlarını və oxunuşlarını tapmaq mümkündür.

Bundan əlavə, müharibə qeydləri, cənazə yerlərini, əhali qeydləri və s. məlumatlarının olduğu veb-saytlarına istiqamətləndirən linklər də mövcuddur.

Soyadların “Wikipediya”sı olaraq, bilinən bu saytın əsas məqsədi dağınıq halda olan soyad məlumatlarını bir yerdə toplamaqdır. Təbii ki, əgər siz daha çox məlumat axtarırsınızsa, bu sayt bir qədər yetərsiz olacaq.

Dünyanın dörd bir yanında toplanan soydaşlarınızı tanımaq istəsənizsə, buradan baxa bilərsiniz.