“Azəriqaz” abonentlərə xəbərdarlıq etdi

Bu gecə “smart kart” tipli qaz sayğaclarına pul yüklənilməsi üçün aparılan əməliyyatlarda fasilələr yaranacaq.

Bu barədə Oxu.Az-a “Azəriqaz” İB-dan məlumat verilib.

Ölkə üzrə “Modenis” MMC-yə məxsus “eManat” və “Komtec” LTD-yə məxsus “MilliÖN” ödəmə terminallarının server sistemində yeni avadanlıqların quraşdırılması həyata keçirildiyi üçün bu gün saat 00:00-dan etibarən fevralın 3-ü saat 01:00-dək təbii qazdan istifadə məqsədi ilə “Smart kart” tipli qaz sayğaclarına pul yüklənilməsi üçün aparılan əməliyyatlarda 1 saatlıq fasilələr yaranacaq.

Birlik qeyd olunan zaman ərzində abonentlərdən ödəniş üçün alternativ yollardan istifadə etmələrini tövsiyə edir.