Bakı sakininə ev telefonuna görə kredit vermirlər – VİDEO
Bakı sakini Rafət Şıxəliyev kredit ilə bağlı müraciət etdiyi bütün banklardan rədd cavabı alıb.
Oxu.Az “Xəzər TV”yə istinadən bildirir ki, paytaxt sakini ev telefonu olmadığına görə kredit ala bilmir.
Mütəxəssislər bankların belə bir addım atmalarını düzgün hesab etmirlər.
Belə ki, Mərkəzi Bankın kreditlərin verilməsi ilə bağlı qərarında telefon nömrəsi ilə bağlı heç bir müddəa yoxdur.
Əgər bu qanun və qaydaların əksinə olaraq bank vətəndaşa kredit vermirsə, həmin şəxs bir istehlakçı kimi öz hüquqlarının pozulması ilə bağlı bankı məhkəməyə verə bilər.
Mənbə:> Oxu.az