MM-in payız sessiyasının qanunvericilik işləri planı açıqlandı

Milli Məclisin 2016-cı il payız sessiyasında qanunvericilik işləri planı müəyyənləşib.

Oxu.Az xəbər verir ki, MM-dən APA-ya verilən məlumata görə, payız sessiyasında işlər planına 14 bölmədən ibarət məsələlər daxildir.

Bunlar Azərbaycan prezidentinin, Ali Məhkəmənin, baş prokurorun, Naxçıvan Muxtar Respublikası Ali Məclisinin qanunvericilik təşəbbüsü qaydasında təqdim etdiyi qanun layihələri, Azərbaycan dövlət büdcəsi zərfinə daxil olan layihələr, “Milli Məclisin deputatının etik davranışı”, “Kinemotoqrafiya haqqında”, “Psixoloji yardım haqqında”, “Kredit borcları haqqında” və s. qanun layihələridir.