Musiqili Teatr 107-ci mövsümə “O olmasın, bu olsun”la başladı » AzNews.info -Xəbər portalı

Bölmə: Sosial, Mədəniyyət

Musiqili Teatr 107-ci mövsümə “O olmasın, bu olsun”la başladı

Musiqili Teatr 107-ci mövsümə “O olmasın, bu olsun”la başladı

.
AzNews.info xəbər verir ki, Azərbaycan Dövlət Musiqili Teatrı 107-ci mövsümünə 18 sentyabr – Milli Musiqi Günü start verib. Yeni mövsümün açılış günü dahi Üzeyir Hacıbəylinin “O olmasın, bu olsun” iki hissəli musiqili komediyası nümayiş olunub. Tamaşanın nümayişindən öncə Musiqili Teatrın Ədəbi hissə müdiri, Əməkdar mədəniyyət işçisi Telli Pənahqızı çıxış edib. O, dahi Üzeyir Haçıbəylinin yaradıcılığından, Milli Musiqi Gününün əhəmiyyətindən, Dövlət Musiqili Teatrının ötən ilki uğurlu fəaliyyətindən, hazırlanması nəzərdə tutulan yeni tamaşalardan bəhs edib. Ölkəmizdə Milli Musiqi Günü kimi qeyd olunan 18 sentyabr tarixi musiqi mədəniyyətimizin əbədi günəşi, Azərbaycan professional musiqisinin banisi Üzeyir Haçıbəylinin doğum günüdür. Qeyd edək ki, “O olmasın, bu olsun” tamaşası eyni zamanda Heydər Əliyev Fondunun və Mədəniyyət və Turizm Nazirliyinin təşkilatçılığı ilə keçirilən Üzeyir Hacıbəyli VIII Beynəlxalq Musiqi Festivalı çərçivəsində nümayiş etdirilib. İki hissəli möhtəşəm operetta tamaşaçılara - festival iştirakçılarına, şəhərimizin qonaqlarına, əcnəbilərə ingilis dilində tərcümə sətirlər – qaçan titrlər vasitəsilə təqdim olunub.

Mədəniyyət və Turizm Nazirliyinin “Zirvə” Mükafatını qazanmış “O olmasın, bu olsun” tamaşasının quruluşçu-rejissoru Azərbaycan Respublikasının Xalq artisti, “Şöhrət” ordenli Cənnət Səlimovadır. Tamaşada əsas rolları milyonların sevimli gülüş ustası, Xalq artisti, “Şöhrət” ordenli Afaq Bəşirqızı, Əməkdar artistlər Şövqi Hüseynov, Novruz Qartal, Ələkbər Əliyev, Əzizağa Əzizov, Əkbər Əlizadə, aktyorlar Məhərrəm Qurbanov, Nadir Xasıyev, Ağaxan Şərifov, Səmədzadə Xasıyev, Aydan Həsənova və başqaları ifa ediblər.

Musiqili Teatr 107-ci mövsümə “O olmasın, bu olsun”la başladı
Musiqili Teatr 107-ci mövsümə “O olmasın, bu olsun”la başladı
Musiqili Teatr 107-ci mövsümə “O olmasın, bu olsun”la başladı
Musiqili Teatr 107-ci mövsümə “O olmasın, bu olsun”la başladı
Musiqili Teatr 107-ci mövsümə “O olmasın, bu olsun”la başladı

Mənbə: AzNews.info
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *