İstanbulda İŞİD-lə əlaqədə şübhəli bilinən azərbaycanlılar saxlanılıb

Türkiyə polisi İstanbulda antiterror əməliyyatı keçirib.

Oxu.Az Anadolu agentliyinə istinadən xəbər verir ki, əməliyyat nəticəsində İŞİD-lə əlaqədə şübhəli bilinən 40 əcnəbi saxlanılıb.

Məlumata əsasən, 23 ünvanda keçirilən əməliyyat zamanı Azərbaycan, İran, İraq və Əfqanıstan vətəndaşları saxlanılıb. Şübhəli şəxslərin evlərində və göstərilən yerlərdə axtarış aparılıb, çox sayda sənəd və rəqəmsal vasitə götürülüb.

Şübhəlilərdən bəzilərinin dəfələrlə Suriyadakı qarşıdurma bölgələrinə getdikləri müəyyən olunub.