Texasda 9-cu mərtəbədən düşən avtomobil sürücüsü sağ qaldı – FOTO + VİDEO

Amerikanın Texas ştatında avtomobil parkinqində avtomobilini park etməyə çalışan şəxs ölümlə üzləşib.

Oxu.Az Reyter-ə istinadən xəbər verir ki, avtoparkın doqquzuncu qatına çıxan sürücü idarəetməni itirib və nəticədə təhlükəsizlik kəndirlərini qoparan maşın aşağıya düşüb, lakin təhlükəsizlik kəndirləri maşının təkərinə ilişdiyi üçün avtomobil havada asılı qalıb.

Maşının sürücüsü isə təkərlərə ilişən kəndirin köməyi ilə yuxarıya doğru dırmaşaraq xilas olmağı bacarıb.

Hadisə yerinə gələ yanğınsöndürənlər kəndirlərin vasitəsilə avtomobili aşağı düşürüblər. Heç kim xəsarət almayıb. İlkin məlumata görə, sürücü qaz və əyləci səhv salıb.