Bu il Türkiyəyə gedən azərbaycanlıların sayı azalıb

Qonşu ölkəyə turist axını kəskin aşağı düşüb.

2016-ci ilin iyun ayında Azərbaycandan Türkiyəyə 49 min 858 nəfər turist səfər edib. Bu da ötən ilin anoloji dövrü ilə müqayisədə 9,43% azalma deməkdir.

Oxu.Az bu ölkənin Mədəniyyət və Turizm Nazirliyinə istinadən xəbər verir ki, Türkiyəyə gedən turistlərin arasında azərbaycanlıların sayı isə 2,04%-dən 1,34%-ə düşüb.

Ümumilikdə, yanvar-iyun aylarında isə qonşu ölkəyə 238 min 619 nəfər həmyerlimiz gedib ki, bu da ötən ilin anoloji dövrü ilə müqayisədə 10,17% azdır.

2015-ci ilin iyun ayında Türkiyəyə gedən azərbaycanlıların sayı 55 min 48 nəfər, yanvar-iyun aylarında isə 265 min 639 nəfər olub.

Qeyd edək ki, Türkiyəyə gələn əcnəbilərin sayı 2016-ci ilin iyun ayında keçən illə müqayisədə 40,9% azalaraq 2 milyon 438 min olub.