Köhnə uşaq bağçasında asılmış kişi meyiti tapılıb

Bakıda intihar hadisəsi baş verib.

Oxu.Az xəbər verir ki, Nizami Rayon Polis İdarəsindən APA-ya verilən məlumata görə, hadisə rayonun Rüstəm Rüstəmov küçəsi, 8 ünvanında qeydə alınıb.

Həmin ünvanda yerləşən əvvəllər uşaq bağçası kimi fəaliyyət göstərmiş tikilinin 2-ci mərtəbəsində asılmış kişi meyiti aşkarlanıb.

Araşdırmalar zamanı intihar edən şəxsin rayon sakini, 1960-cı il təvəllüdlü Faiq Həqiqət oğlu Zeynalov olması müəyyən edilib. İntiharın səbəbləri hələlik məlum deyil.

Faktla bağlı araşdırma aparılır.