AzTV-nin diktoru dünyasını dəyişdi

Azərbaycan Televiziya və Radio Verilişləri (AzTV) Qapalı Səhmdar Cəmiyyətinin diktoru iş başında dünyasını dəyişib.

Oxu.Az ANS PRESS-ə istinadən xəbər verir ki, tanınmış diktor Bəxtiyar Şərifzadənin ötən gün axşam saatlarında iş başında qəfildən halı pisləşib.

Dərhal təcili tibbi yardım çağırılıb. Lakin 55 yaşlı diktoru xilas etmək mümkün omayıb.

İlkin məlumata görə ölümə səbəb ürək tutması olub.