Nazir: Teymur Məmmədov Olimpiya Oyunlarında bayraqdar ola bilər

Azərbaycan milli komandasının 2016-cı il Rio-de-Janeyro Yay Olimpiya Oyunlarında bayraqdarı boksçu Teymur Məmmədov ola bilər.

AzNews.info Report-a istinadən xəbər verir ki, bunu gənclər və idman naziri Azad Rəhimov deyib.

Nazir bildirib ki, T.Məmmədovun bayraqdar olması bu gün Bakıdakı Dünya Təsnifat Turnirində 1/4 final döyüşündən qalib ayrılaraq olimpiadaya lisenziya qazanacağı halda rəsmiləşəcək:

“Əgər Teymur Məmmədov olimpiadaya lisenziya qazanmasa, bayraqdarın kim olması ilə bağlı yekun qərarı Milli Olimpiya Komitəsi verəcək”.