“18 yaşlı xanımın bakirəliyini vəzifəli şəxs pozub ...”

Fəaliyyətini həm Azərbaycanda, həm də ki, Moskvada davam etdirən tanınmış ekstrasens Aqil Məhərrəmov ATV.az–a müsahibə verib. 13 yaşından vergili olan ekstarsens bildirib ki, nənə və babası seyiddir. Onlar öləndən sonra həm seyidlik, həm də ki, ekstra güc alıb. Bu gün bir çox uğurların qəhrəmanı A. Məhərrəmov beynəlxalq ekstra hiss müsabiqələrinin qalibi olub. O ilk dəfə vergi almasını belə xatırlayır:

13 yaşından vergiliyəm. 2 ay yatıb, ayılmamışam. Dekabrın 31-dən fevralın 27-nə kimi yatmışam... Ayılan zaman hiss etmişəm ki, vergiliyəm. Fevralın 27-si oyanan zaman bir həftə danışmaq istəsəm də, bunu bacarmamışam. Ancaq su içmişəm. 2 gün sonra isə yemək yeməyə başladım. Amma yenə danışa bilmirdim. Sonra isə anama dedim ki, qonşumuz ölüb. Anam dedi ki, qapının ağzında görüb, indicə salamlaşmışam. Səhər saat 7-də xəbər gəldi ki, həmin kişi rəhmətə gedib. Həmin gün axşamı mən görmüşəm ölüb, səhəri xəbər gəlib ki, həqiqətən də həmin insan ölüb.

Qayıdaq bu günə. Bir ay olar ki, Bakıdasınız. Moskvaya səfəriniz nə zamandır ?

Bu yaxınlarda Moskvaya getmək barədə düşünürəm. Amma hələ ki, Bakıdayam. İyun ayında Moskvaya, daha sonra isə Voronejə gedəcəyəm. Daha sonra yenidən sevimli Bakıma qayıdacağam.

Həmkarlarınız da, çox zaman Moskvada iş fəaliyyəti ilə məşğul olduğunu deyib, yalan informasiya verirlər. Bu barədə nə deyə bilərsiniz?

Hər insan imkanlarına görə seçim edir. Əgər o insan 5-6 şəxsə kömək edib, onu qürurla deyirsə ki, gedib, iş gördüm, qayıtdım, nə deyə bilərəm?! Amma xatırladım ki, Moskvanın 13 milyon öz əhalisi var, 7-8 milyon da gəlmədir. Əgər səni 500-700 min adam tanıyırsa, deməli tanınırsan. 5-6 şəxslə tanınmaq olmur...

Tanıyırlarmı sizi ?

Əminliklə deyə bilərəm ki, 500 min şəxs tanıyır. Varonejdə daha çox tanınıram.

Bakıda və Moskvada eyni işlə məşğulsunuz. Bakıdan və Moskvadan yanınıza gələn insanların sizdən istəyi arasındakı fərq nələrdə olur?

Bizdə ailə- məişət, maddiyatla bağlı bəzi problemlər olur. Rusiyada isə insanlar sağlamlıqları üçün qorxurlar. Daim cadudan qorunurlar. Biznesmenlər işlərinin daha yaxşı irəli getməsi üçün yanıma gəlirlər. Şəxsi həyat üçün çox az-az hallarda müraciət edirlər.

Keçmiş olub, keçib. Hardasa bunu demək olar, anladım. Amma gələcək, baş verməyib, olmayıb, bunu necə demək olar axı ?

Giper hissiyatlı insanlar var. Onlar gələcəkdən xəbər verə bilir. Hətta bəzi alimlər də sübut edib ki, cinlər bizdən 300-500 il əvvəl yaşayıblar və həmin ekstrasens həmin cinlə əlaqə yaradıb, məlumat ala bilər. 10 il öncəni görmək absurtdu, 1-2 il əvvəli görmək isə mümkündür. Və bacarıram.

İnformasiyanı necə alırsınız?

Hissiyatımla... Beynim açıqdır. Mənim beynimi analiz etsələr görəcəklər ki, o adi insanın beynindən 15-20 faiz daha sürətli işləyir.

İnsana baxan kimi nəyi demək asan olur?

Heç bir şey asan olmur. İnsanda cadu varsa həmin an görürəm. Və insanın nə problemi varsa hiss edirəm. Mənəvi problemlərini deyirəm, çünki insan mənəvi cəhətdən güclü olsa, o hər şeyi normal qura bilər.

Mənəvi problemi olan şəxsə necə kömək edirsiniz?

Problemin kökünü araşdırıram. Həlli yolunu seçib, kömək edirəm. Mən dediyim şəkildə həmin kəs həlli yolunu seçsə, daha çox uğur qazanacaq, buna da onu əmin edirəm.

Belə deyim var da, xeyirlisi nədirsə, o olsun...

(sözümü kəsir-red) Mən də elə söz yoxdur.

Onu demirəm, bir insan bir şeyi istəyir amma o yolla getsə xoşbəxt olmayacaq. Bəs bu zaman nə edirsiniz?

Etmirəm. Məsələn, biri sevgilisindən ayrılıb, yanıma gəlir ki, elə et ki, ölsün o. Təbii ki, bu axmaqlıqdır və mən bunu etmərəm. Təzədən yanıma qayıtsın, sevsin və s. bu kimi hallar mümkündür, amma ölüm və ya pis niyyətli nəsə etmirəm.

Həqiqətən ekstrasens adam öldürə bilərmi?

Xeyr, magiya gücü ilə ekstrasens adam öldürə bilər. Həmin adam da ekstrasens yox, şeytan sayılır. Cadu gücü ilə istənilən adamı öldürmək mümkündür.

Deməli ölüm cadusu var.

Əlbəttə var. İnsanın enerji mənbəyini bağladığın an o çökür. Canavarın sağ arxa ayağının pəncəsi ilə ölüm cadusu edirlər. Düzdür çoxları güləcək, amma inanmayan birinə desəm gəl sənə o cadunu edim, razı olmaz. Ölüm cadusu insanı elə arıqladır ki, axırda bir dəri, bir sümük qalır. O qədər olur ki, həkimlərə gedib, heç bir xəstəlik tapmayan naçar qalıb, ekstrasensə gələn şəxslər... Və faydasını da görürlər, təbbi maşennik ekstrasensə rast gəlməsələr.

Ölüm cadusu etmisiniz?

Xeyr, heç vaxt. Ekstrasenslərlə müharibəm olub, amma heç birinə elə bir şey etməmişəm. Onlar mənim uğurlarımla barışa bilmirlər.

Gənc yaşında bu qədər uğur. Təbbi qısqanclığı anlayıram. Bəs bu uğur üçün nələri qurban verdiniz?

Şəxsi həyatımı işimə qurban verdim. 6 ildir mən istirahət etmirəm. Sağlamlığımı, psixologiyamı kariyerama qurban verdim. Bunlardan keçdim. 12 illik stajım var. Narazı deyiləm, dəyərdi, çünki işimdə peşəkaram. Amma istədiyim pillədə deyiləm. 6 ildən sonra hər şey fərqli olacaq.

Cinlərlə aranız necədir ?

(gülür-red) Cinlərin insan bədənindən çıxarılması mümkündür. Amma şou göstərmədən, əsl gücə sahib olan ekstrasens zamanla yalnız bu işi tam bacara bilər. İnsan Allahdan bir balaca uzaqlaşanda cin insan bədəninə müsələt olur. Cinlər iki cür və insan formasında olur, bir balaca da şeytana bənzəyirlər, onlar daha çox tüklü olur. Cinlər insanla əylənib, həzz alırlar.

Ekstrasenslər cinlərlə işləyir?

Bəli.

Sizdə?

Xeyr, mən ruhlarla işləyirəm. Kim deyirsə ki, o cindir ruh cildində gəlir, xeyr, mən sübut edə bilərəm ki, mən əsl ruhlarla iş görürəm. Cin deyil. Ad çəkə bilmərəm, sadəcə.

İstədiyiniz ruhu istədiyiniz an çağıra bilirsiniz?

Bəli , istəyirsiniz zəng edək (gülür-red). Əslində burada qeyri-adi heç nə yoxdur. Sizdə yuxuda və ya realda onları görürsünüz. Həqiqətən qorxmasanız çox şeyi görə bilərsiniz.

Yuxularınız maraqlıdır.

Mən yuxu görmürəm. Görəndə də ancaq görücülüklə bağlı yuxular görürəm. Kimsə öləndə, itəndə, nə isə baş verəndə... Sonuncu dəfə yaxın adamın ölüm xəbərini aldım və o rəhmətə getdi.

Nədən qorxursunuz?

Mənliyimi itirməkdən, adımın yalançı çıxmasından.

Heç olub sizə müraciət edən şəxsi yanıltmısınız, boynunuza götürdüyünüz işə gücünüz çatmayıb ?

Həyatı boyu elə şey olmayıb. Sadəcə azalan və artan ay var. Bu çox mühümdür. Hər ayın öz işi var.

Xristian magiyası ilə məşğulsunuz?

Bəli. Baxıb insana deyirəm. Və əlavə olaraq taro kartları ilə də baxıram. Qarşımda oturan şəxsin məni aldadıb, aldatmadığını gözəl bilirəm.

Aldanmısınız?

Mən ancaq gördüyümü deyirəm, görmürəmsə və ya demək istəmirəmsə heç nə məni məcbur etmir ki, nəyisə kiməsə deyim. Bəzən olub, yalandan dirəşiblər. Amma ifşa etmişəm. Bu yaxında bir xanım zəng edib, köməkçimə deyib ki, filan gün filan saatda gələcəyəm, anam yanımda olacaq, məni gətirir amma Aqil bəy qəti bu şeyi deməsin.

Maraqlıdır. Nəyi? Ad çəkməyin, sadəcə hadisəni açıqlayın.

Məcburi yalan danışdım. Amma bunu açıqlaya bilməzdim. Bir gənc və çox gözəl xanım anası ilə yanıma gəlmişdi. Qızın 18 yaşı var, evi, avtomobili lüks... Amma ərə getmək istəmir, kim onu istəyirsə yox deyir. Bu da anasını narahat edirdi.

Niyə ərə getmirdi ki, xanım?

Yəqin ki, anlaşıldı. 18 yaşlı xanımın bakirəliyini vəzifəli şəxs pozub, əvəzində onun üçün hər şəraiti yaradıb. Xanımda anasına deyir ki, hər gün xarici şirkətdə çalışmağa gedir, amma özü həmin imkanlı şəxslə sevgilidir. Anasını çox istəyir deyə, istəmir ki, kimsə bilsin.

Biotik müalicə edirsiniz?

Ancaq çox istədiyim insanı sağaldıram.

Bəxt açırsınız?

(gülür-red) Absurt fikirdir. Bəxt bağlı olur ki?! Sadəcə uğursuzluq söhbəti var və aradan qaldırmaq lazımdır. Müsəlman magiyasında bəxt duaları var, o boş şeydir. Dua yazmaqla qız tez ərə getsəydi, Bakıda subay qız qalmazdı. Xristian magiyasında qismətin yaxınlaşması, sevgilinlə tez qovuşmaq üçün xüsusi rituallar var.

Sizə inanmayanlara necə öz peşəkarlığınızı sübut edirsiniz?

Gülürəm. Mənim işimi yanıma gələn şəxslər yaxşı bilir. Mənə bu yaxında təklif olub. Əgər yalandan bu işlə məşğul olsam kimin nəyinə lazımam?! Bu yaxında Türkiyə və Rusiyadan təklif gəldi. Rusiyadan 10 milyon rubl təklif etmişdilər. Amma ekstrasensə buyurub, onu işlətmək, başının ağası olmaq olmaz.

Verdiyiniz proqnozların necə faizi düz çıxır?

80 faizi.

Keçək şəxsi həyata. Sevgiliniz varmı?

(gülür-red) Yəqin ki, var. Bu qədər uğur əldə edirəmsə deməli nəsə var. Demək olar. İstəmirəm şəxsi həyatımdan ətraflı danışım. Amma həyatımda bir neçə ay olar ki, o var.

Sevirsiniz ?

(susur-red) Məncə bu barədə danışmayaq. (gülür)

Evlənəcəyiniz xanımdır ya sadəcə sevgili münasibətidir?

İnsan bir nəfəri sevib, digəri ilə evlənə bilməz. Amma evlilik üçün tezdir hələ. Sevirsənsə, mütləq o xanımla evlənməlisən.

Yanınıza gələnlər bəxtəvərdir. Yəqin ki, onlara da yardımçı olursunuz belə çətin məqamlarda.

Əgər xoşbəxt olacaqlarsa, sevirlərsə, valideynlərin müdaxiləsinə fikir vermədən kömək edirəm.