Amerikalı paylaşdığı foto ilə Facebook istifadəçilərini çıxılmaz vəziyyətdə qoydu - FOTO

Facebook istifadəçiləri Amerikanın Cənubi Karolina ştatından olan Antli Steytenin qoyduğu məsələni çox çətinliklə həll ediblər.

Oxu.Az xəbər verir ki, tapmacanın olduğu paylaşımı o, öz səhifəsində yerləşdirib.

Kişi əlində iki kart tutduğu şəkil yerləşdirib. Birincidə tapşırıq yazılıb: “Səhvi tapdıqdan sonra paylaş”.

İkincidə isə doqquz rəqəmin yerləşdiyi cədvəl çəkib.

Sən demə, açmanı rəqəmlər olan cədvəldə deyil, mətnin yazıldığı kartda axtarmaq lazım imiş. Kişi bilərəkdən “səhv” sözünü yanlış – “mistake” əvəzinə, “mitsake” yazıb.

Mayın 18-də paylaşılan bu şəkili 400 min nəfər yenidən paylaşıb. Bundan başqa, paylaşım təxminən 60 min dəfə bəyənilib. Bir çox istifadəçilər tapmacanın açmasını tapmaq üçün bir qədər zaman sərf etdiklərini bildiriblər.

Bir çoxları səhvi cədvəldə axtardıqlarını deyiblər, amma bəziləri nəyin səhv olduğunu başa düşmək üçün kişinin geyiminə və fona diqqətlə baxdıqlarını etiraf ediblər.