Çili zooparkında intihar edən gənci xilas etmək üçün iki şiri öldürüblər

Çilinin paytaxtı Santyaqoda zoopark rəhbərliyi şirlərin qəfəsinə girən gənci xilas etmək üçün iki yırtıcını qurban verib, Oxu.Az RİA Novosti-yə istinadən xəbər verir.

Ehtimal edilir ki, gənc oğlan qəfəsə intihar etmək məqsədilə girib. Zooparkın direktoru Aleksandra Montalva bildirib ki, təhlükəsizlik protokollarına əsasən, insan həyatına təhlükə yarandıqda heyvanları öldürməyə icazə verilir.

“Gənc oğlan intihar məqsədi ilə şirlərin qəfəsinə girib, paltarını cırıb və heyvanları hirsləndirib”, - Montalvanın sözlərini France-Press agentliyi sitat gətirir.

O əlavə edib ki, bundan sonra zoopark işçiləri Afrikadan gətirilən və 20 ilə yaxın zooparkda yaşayaşn iki şiri (biri dişi, digəri erkək) öldürməyə məcbur olublar.

Gənc oğlan xəstəxanaya yerləşdirilib.