Misirdə yer titrədi

Misirdə zəlzələ baş verib. Dağıntı və xəsarət alanların olmadığı deyilir.
ANS PRESS-in rus mətbuatına istinadən verdiyi məlumata istinadən, təbii fəlakət Qırmızı dənizin Aqaba körfəzində baş verib. Hiposentrə ən yaxın olan Dəhəb kurort şəhəri yaxınlığında 5,0 bal gücündə təkanlar hiss edilib.

5 bal gücündəki zəlzələ yerli vaxtla saat 03:45-də qeydə alınıb. Yeraltı təkanların episentri Dəhəbdən 25 km şimal-şərqdə, ocağı isə 10 km dərinlikdə yerləşib. Seysmoloqlar sunami təhlükəsinin olmadığını bildiriblər.

Oxşar hadisə bir neçə gün əvvəl baş verib. Dağıstan və Çeçenistan sərhədində 4,9 bal gücündə zəlzələ olub. Təkanlar paytaxt Mahaçqala və qonşu şəhərlərdə hiss edilib.

Rusiya Fövqəladə Hallar Nazirliyinin Dağıstan bölməsindən bildirilən məlumata əsasən zəlzələ qonşu ölkələrin Botlix və Veden rayonları ərazisində baş verib. Zəlzələnin episentri yer səthindən 61 kilometr dərinlikdə olub. Təbii fəlakət nəticəsində təlafat, yaxud dağıntı faktları qeydə alınmayıb.

Azərbaycan da Dağıstan və Misir ilə eyni tektonik qurşaqda yerləşdiyindən seysmoloji aktivlik araşdırılır. Bu haqda məlumatlar mütəmadi paylaşılacaq.