Türkiyədə zəlzələ baş verdi

Türkiyədə Aralıq dənizi hövzəsində bu gecə zəlzələ baş verib. ANS PRESS-in “Anadolu” agentliyinə istinadən verdiyi məlumata görə, yeraltı təkanlar Antalya vilayətinin Qazipaşa rayonunda qeydə alınıb. Yerli vaxtla saat 00.19-da (Bakı vaxtıyla 02.19) baş vermiş zəlzələnin şiddəti 4.6 bal gücündə olub. Baş nazirlik Təbii Fəlakət və Fövqəladə Vəziyyət İdarəsinin verdiyi məlumata görə, zəlzələnin episentri Qazipaşa rayonuna 109.22 km məsafədə Aralıq dənizinin şərq sahilləri olub. Yeraltı təkanlar 51.11 km dərinlikdə qeydə alınıb.

Təbii fəlakətdən sonra dağıntı və insan tələfatı barədə məlumat verilməyib.