“Eurovision” təmsilçimiz evləndi - FOTO

“Eurovision 2013” təmsilçimiz Fərid Məmmədov ötən gün paytaxt məkanlarının birində özünə toy edib.

Oxu.Az-ın Lent.az-a istinadən məlumatına görə, Nigar adlı xanımla nikah masasına oturan Fərid özəl gününə şou-biznesdəki dostlarını çağırmayıb. Toyun aparıcı müğənnisi Səməd Səmədov olub.

Restoranın fotoqraflarına və gələn qonaqlara bəy və gəlinlə şəkil çəkdirməmək tapşırığı verilib. Toy isə naməlum səbəblərdən tez, saat 22:30-da başa çatıb.

F.Məmmədovun toyuna müəllimi əməkdar artist Aybəniz Haşımova belə dəvət olunmayıb.

Qeyd edək ki, F.Məmmədov “Eurovision 2013” mahnı müsabiqəsində "Hold me" adlı mahnını ifa edərək, həmin il yarışmada 2-ciliyi qazanmışdı.