Sidqi Ruhullanın 130 illiyi – FOTO

Cəfər Cabbarlı adına Azərbaycan Dövlət Teatr Muzeyi R.Axundov adına Buzovna Qəsəbə Mədəniyyət Evi ilə birlikdə SSRİ Xalq artisti Sidqi Ruhullanın anadan olmasının 130 illiyi ilə əlaqədar 28 mart 2016-cı il tarixində yubiley gecəsi keçirmişdir.

AzNews.info nazirliyə istinadən xəbər verir ki, tədbirdə aktyorun ailə üzvləri, mədəniyyət və incəsənət nümayəndələri, qəsəbə sakinləri iştirak etmişlər. Çıxışçılar aktyorun keçdiyi sənət yolundan söhbət açmış, ailə üzvləri xatirələrini söyləmişlər. Tədbirdə Sidqi Ruhullanın çəkildiyi filmlərdən kadrlar, Teatr Muzeyinin fond materialları əsasında aktyorun həyat və yaradıcılığını əks etdirən video-çarx nümayiş etdirilmişdir.