Halal kolbasa – sosiska bu ətdən hazırlanır – VİDEO+FOTO (18+)

Nepalda 200 mindən çox heyvanın kütləvi şəkildə qurban edildiyi Gadhimai festivalı başlayıb. 500 mindən çox hindunun toplandığı Bara bölgəsindəki Gadhimai məbədi qan gölünə dönüb.

İnterpress.az-ın verdiyi xəbərə görə, məbəddə 200 mindən çox camış, keçi, qoyun, toyuq, siçan, donuz və göyərçin hindu tanrıçası Gadhimaiyə qurban kəsiləcək.

Bu mərasim zamanı bütün ətrafı qan qoxusu bürüyür. Havalar çox isti olduğu üçün bir-neçə gün davam edən mərasim zamanı iylənmiş qan və leş qoxusunu yüzlərlə metr aralıda duymaq olur.

Heyvan haqlarını müdafiə edən təşkilatlar və dini qruplar ötən illərdə dəfələrlə bu mərasimə etiraz etsələr də Nepal rəsmiləri daha çox camışların qurban kəsildiyi festivala qarşı çıxa bilməyəcəklərini etiraf ediblər. Rəsmilər bu mərasimin ölkənin ən qədim ənənəsi olduğunu bildiriblər.

Ən dəhşətlisi isə odur ki, burada heç bir gigienik qaydalara əməl edilmədən, vəhşicəsinə kəsilən camışların ətini müsəlman ölkələri daşıyır. Bu ətdən kolbasa-sosiska və digər konservləşdirilmiş qida məhsullarında istifadə edilir. "Halal” adı ilə satılan kolbasa-sosiskalar və üstünə "mal ətindən hazırlanıb” yazılan duşonkalar, eyni zamanda digər konservləşdirilmiş ət məhsulları məhz bu mərasimdə qurban edilmiş camışların ətidir.