Bu gün 3 rayon qazsız qalacaq

Bu gün saat 10:00-dan 18:00-dək “Qaz İxrac” İdarəsinin Astara Magistral qaz kəmərləri sahəsinin bəzi qazpaylama stansiyalarında və bəzi ölçü qovşaqlarında carı təmir işləri aparılacaq.

Bu barədə “Azəriqaz” İB-dən Oxu.Az-a bildirilib.

“Təmir müddətində Masallı rayonun Təzə Alvadı, Köhnə Alvadı kəndlərinin qaz təchizatında məhdudiyyətlər olacaq. Aparılan işlərin İmişli və Saatlı rayonlarının bir hissəsinin qaz təchizatına təsir göstərməsi də mümkündür”, - deyə qurumdan qeyd edilib.