Azərbaycanlılar kütləvi şəkildə Türkiyədən mənzil alır

Şirkətin rəhbəri açıqlama verib.

Azərbaycanlılar 2015-ci ildə Türkiyədən mənzil alan əcnəbilər arasında ilk beşlikdə qərarlaşıb.

Oxu.Az Milliyyət-ə istinadən xəbər verir ki, bu barədə mənzil bazarının qiymətləndirilməsi üzrə şirkətlərdən birinin rəhbəri Ömər Faruk Çəlik bildirib.

Onun sözlərinə görə, ötən ilin 10 ayında əncəbilərə ümumilikdə 18 min 567 ədəd mənzil satılıb, amma ilin son rəqəmlərinin 22-23 minə çatacağı proqnozlaşdırılır.

“Türkiyə mənzil bazarından daha çox mənzil alan ölkələrin beşliyində İraq, Səudiyyə Ərəbistanı, Rusiya, Birləşmiş Ərəb Əmirlikləri, İngiltərə və Azərbaycan yer alıb. 2016-cı il üçün əncəbilərin bu bazara investiisya məbləğinin 10 milyard dollara çatacağı proqnozlaşdırılır”, - deyə o, əlavə edib.

Qeyd edək ki, Türkiyə Statistika Komitəsinin məlumatına görə, ötən ilin 11 ayında azərbaycanlıların Türkiyədən aldığı mənzillərin sayı 733 ədəd olub.