Avtobuslara quraşdırılmış yeni izləmə avadanlıqları test edilir

Nəqliyyat Nazirliyi Nəqliyyatı İntellektual İdarəetmə Mərkəzi avtobuslara quraşdırılmış yeni izləmə avadanlıqları test edir.

NİİM-dən Oxu.Az-a daxil olan məlumata görə, hazırda Ziya Bünyadov prospektində 12 dayanacaqdakı Avtobus İnformasiya Terminallarında avtobuslara quraşdırılmış yeni izləmə avadanlıqları ilə inteqrasiya prosesi test edilir.

Mərkəzdən qeyd ediblər ki, yaxın müddətdə paytaxtın bütün dayanacaqlarındakı monitorlarda avtobusların çatma vaxtı və yenilənən bütün marşrut xətləri haqda informasiyalar öz əksini tapacaqdır.