Gözlərinin fərqli rəngi Amerika modelini internet ulduzuna çevirdi – FOTO

Amerikan modeli Sara MakDaniel gözlərinin müxtəlif rəngli olması sayəsində internet ulduzuna çevrilib.

Oxu.Az The Daily Star-a istinadən xəbər verir ki, 20 yaşlı modelin İnstagram akkauntuna 48 minə yaxın adam abunə olub.

Nəşr qeyd edir ki, folloverlərin diqqətini qızın gözlərinin müxtəlif rəngdə olması cəlb edib, onun gözlərinin biri mavi, digəri isə qəhvəyidir. Amerikalının əks olunduğu fotolar ən azı iki min like yığır.

Sosial şəbəkələrdə populyarlıq qıza model biznesinin diqqətini cəlb etməyə yardım edib. MakDaniel həmkarlarına bənzəməməsi ilə fəxr etdiyini söyləyib.

Gözlərinin heteroxromiyası hər iki gözün və ya onların müxtəlif hissələrinin rənginin seçilməsidir. O, irsi və ya sonradan qazanılmış olur, eləcə də qismən, tam və ya mərkəzi olur. Tam heteroxromiya zamanı adətən gözlərdən birinin rəngi mavi olur.