Biq Ben saatı 4 ay müddətinə dayandırılacaq

Londonun mərkəzindəki məşhur Biq Ben saatı təcili təmir olunmaq üçün 4 ay müddətinə dayandırılacaq.

Oxu.Az-ın məlumatına görə, bu barədə Daily Mail qəzeti yazır.

Parlamentin iclasında səslənən hesabatdda bildirilir ki, saatın əqrəblərində ciddi problemlər var. Və əgər təcili təmir işlərinə başlanılmasa sonra gec olacaq.

Təxmin edilir ki, saatın təmirinə 29,2 milyon funt sterlinq vəsait sərf ediləcək.

Bəzi deputatlar isə hesab edirlər ki, Biq Ben Böyük Britaniyanın demokratiya və yüksək beynəlxalq statusu rəmzidir. Saatların dayandırılması parlamentin nüfüzunun düşməsinə səbəb olacaq.

Qeyd edək ki, əgər layihə qəbul olunarsa, bu saatların tarixində ən uzun təmir işləri olacaq.