Xidmət rəisi: Şəkidə baş verən zəlzələ mədəniyyət abidələrinə ziyan vurmayıb

Sentyabrın 4-də Şəkidə baş verən zəlzələ zamanı tarix və mədəniyyət abidələrinə, qoruqlara ciddi ziyan dəyməyib.

Oxu.Az-a bu barədə Mədəniyyət və Turizm Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov bildirib.

“Buna qədər Xidmət tərəfindən Şəkidə yerləşən tarix və mədəniyyət abidələrində təmir bərpa işləri aparılmış, bundan sonra da bu proses davam etdiriləcəkdir” - deyə, Z. Sultanov əlavə edib.

Qeyd edək ki, zəlzələ ilə əlaqədar xidmətin əməkdaşları rayonda monitorinqlər aparıb.