“Azərsu” yenidən təşkil edildi

“Azərsu” ASC-nin nəzdində Ekologiya idarəsi yaradılıb.

Oxu.Az Azərbaycan qəzetinə istinadən xəbər verir ki, bu barədə baş nazir Artur Rasizadə qərar verib.

Bundan başqa, İstehsalat Texniki Komplektləşdirmə İdarəsi yenidən təşkil edilərək, “Azərsu”-nun tərkibinə daxil ediləcək.

Dəyişikliyə əsasən, qoşulma zamanı “Azərsu” ASC-nin nizamnamə kapitalı, payların miqdarı və dəyəri dəyişmədən mövcud səviyyədə saxlanılıb.

“Azərsu” ASC-nin “Göyçay Sukanal” Törəmə Səhmdar Cəmiyyəti və “Ağdaş Sukanal” Törəmə Səhmdar Cəmiyyəti “Azərsu” ASC-nin “Birləşmiş Sukanal” Məhdud Məsuliyyətli Cəmiyyətinin tərkibində fəaliyyət göstərən hüquqi şəxslər kimi müəyyən ediliblər.

Nazirlər Kabinetinin qərarına əsasən, Oğuz-Qəbələ-Bakı Su kanalı, Kür Su kanalı, Ceyranbatan Su su kanalı, H.Z.Tağıyev adına Su kanallarının adları dəyişdirilərək Oğuz-Qəbələ-Bakı Su Təchizatı İdarəsi, Kür Su Təchizatı İdarəsi, Ceyranbatan Su Təchizatı İdarəsi, H.Z.Tağıyev adına Su Təchizatı İdarəsi adlandırılıb.

Qeyd edək ki, Vergilər Nazirliyi, Əmlak Məsələləri Dövlət Komitəsi və “Azərsu” ASC-yə bu qərardan irəli gələn məsələləri həll edilməsi tapşırılıb.