FİA direktoru: Bakı Formula 1 yarışlarına ciddi hazırlaşır

FİA-nın (Beynəlxalq Avtomobil Federasiyası) yarış direktoru Çarli Uaytinq Azərbaycan Qran-prisinə hazırlığın necə getdiyindən danışıb. Yarış Bakının şəhər trasında 2016-cı ilin yayında keçiriləcək, Oxu.Az sport.ru-ya istinadən xəbər verir.

“Belçikada German Tilke ilə görüşüm olub və görünüşə baxılırsa, hər şey yaxşı gedir. Təbii ki, söhbət tammiqyaslı avtodromun inşasından getmir, çünki bu əsl şəhər tipli trassdır.

Narahatçılıq doğuran bir neçə məqam var, amma təşkilatçılar bu problemləri aradan qaldırmaq üçün əllərindən gələni edirlər. Mən deyərdim ki, hər şey plana uyğun gedir. Gələn aylarda təşkilatçılar trasın lazım olan hissələrində asfalt döşəməyə başlayacaqlar, eləcə də digər labüd məsələlər ilə məşğul olacaqlar. Onlar Qran-prinin təşkilinə çox ciddi yanaşıblar”, - Autosport Uaytinqin sözlərindən sitat gətirir.