Rusiyada Wikipedia bağlandı

“Wikipedia” internet ensiklopediyasının Rus dilli versiyasının bağlanılmasına başlanılıb.

Oxu.Az “RİA Novosti”yə istinadla xəbər verir ki, bu barədə “Wikipedia”nın Rusiya versiyasının Twitter səhifəsində məlumat verilib.

“Ümumilikdə vəziyyət aydındır: səhərə əksər istifadəçilərdə tam versiya artıq işləməyəcək. Mobil versiya işləməkdə davam edir, onun başqa İP-si var”, - məlumatda qeyd olunur.

Moskvada bəzi provayderlərinin istifadçəliləri internet-ensiklopediyaya daxil ola bilməyiblər. Rusiyanın digər regionlarından olan istifadəçilər də həmçinin sayta daxil ola bilmədiklərini deyirlər. Hazırda “Wikipedia”nın mobil versiyası işləyir.

Xatırladaq ki, bu yaxınlarda “Wikipedia” Rusiyanın rabitə, informasiya texnologiyaları və kütləvi kommunikasiyaya nəzarət üzrə Federal Xidmətinin (Roskomnadzor) saytın bloklanmasının aradan qaldırılması üçün təlimat yaymışdı.