İrəvanda tanınmış ekstrasensi qətlə yetirdilər

Ermənistanın tanınmış ekstrasensi, “Altıncı hiss” verilişinin iştirakçılarından biri olan Ani Macnunyan çərşənbə axşamı İrəvanda qətlə yetirilib.

Oxu.Az “Novosti-Armeniya”ya istinadla xəbər verir ki, bu məlumatı polis təsdiq edib.

53 yaşlı qadının meyiti mənzilində aşkar olunub. Digər təfərrüatlar barədə məlumat verilmir.

Qeyd olunur ki, Macnunyan hiromantiya və qeyri-ənənəvi tibblə məşğul olub. Mənbənin məlumatına görə, onun çoxlu müştəriləri olub. Verilişin efirə çıxmasından sonra onun müştərilərinin sayı artıb.