Həlak olan hərbçimizin qohumu: "İki körpəsi yetim qaldı" » AzNews.info -Xəbər portalı

Bölmə: Siyasət » Hərbi

Həlak olan hərbçimizin qohumu: "İki körpəsi yetim qaldı" – FOTO

Həlak olan hərbçimizin qohumu: "İki körpəsi yetim qaldı"


Minaya düşərək həlak olan hərbçilərdən biri Musa Sabir oğlu Musayev tanınmış idman şərhçisi Pərviz Musayevin yaxın qohumudur. ANS PRESS-in məlumatına görə, bu barədə Pərviz Musayevin özü Facebook səhifəsində qeyd edib.

O, öz səhifəsində yazıb ki, Qazax rayonu sahəsində qoşunların təmas xəttində, dağ-meşə şəraitində yolu azan müddətdən artıq həqiqi hərbi xidmət hərbi qulluqçusu kiçik çavuş Musa Musayev əmisinin nəvəsidir:

"Təəssüf... Əmim nəvəsinin və digər hərbçimizin minalanmış sahədə meyiti tapılıb. İki körpəsi yetim qaldı. Allah rəhmət eləsin", - deyə qeyd edib.

Hərbçilərimiz iyunun 23-də itkin düşüblər. Hərbçilər itkin düşən zaman onların düşmən tərəfinə keçməsilə bağlı bəzi fərziyələr vardı. Pərviz Musayev həmin fərziyələrə də, münasibət bildirərək, qeyd edib ki, əsgərlərimizin belə iş tutacağı mümkün deyil: "Könüllü şəkildə ermənilərə əsir düşmə ehtimalı sıfra bərabərdir. Adamın ailəsi, 2 körpə uşağı var. Özünü də yaxşı tanıyıram".

Xatırladaq ki, kiçik çavuş Musayev Musa Sabir oğlu və kiçik çavuş Yolçuyev Tural Sahib oğlunun Azərbaycan-Ermənistan dövlət sərhədinin Qazax rayonu sahəsində qoşunların təmas xəttində dağ-meşə şəraitində yolu azmaları və qarşı tərəfdə olduqları ehtimal edilirdi.

İlk gündən Ermənistan Müdafiə Nazirliyi Azərbaycan hərbçilərinin onlara əsir düşmədiyini barədə məlumat yaymışdı. “Azərbaycan hərbçilərinin azması istisna deyil. Azərbaycan tərəfdən Beynəlxalq Qırmızı Xaç Komitəsinin İrəvan ofisinə edilən müraciət belə deməyə əsas verir. Bu gün Qırmızı Xaçın İrəvan ofisindən bizə müraciət edilərək, Azərbaycan silahlı qüvvələrinin Tavuş vilayətinin Vazaşen kəndi istiqamətindəki mövqelərinin qarşısındakı zolaqdan mina partlayışında yaralandığı ehtimal edilən iki azərbaycanlı hərbçinin cəsədinin çıxarılmasına təminat verilməsini xahiş edib".

Həlak olan hərbçimizin qohumu: "İki körpəsi yetim qaldı"

Mənbə: ANSPRESS
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *