Müdafiə Nazirliyi: İki hərbçimizin ermənilərə əsir düşdüyü ehtimal edilir

Hadisə ilə bağlı axtarış və araşdırma tədbirləri həyata keçirilir.

Azərbaycan hərbçilərinin yolu azaraq qarşı tərəfdə olduğu ehtimal edilir.

Müdafiə nazirliyinin mətbuat xidmətindən Oxu.Az-a verilən məlumata əsasən, iyunun 23-də Azərbaycan-Ermənistan dövlət sərhədinin Qazax rayonu sahəsində qoşunların təmas xəttində, mövqe istiqamətində hərəkət edən müddətdən artıq həqiqi hərbi xidmət hərbi qulluqçuları kiçik çavuş Musayev Musa Sabir oğlu və kiçik çavuş Yolçuyev Tural Sahib oğlunun dağ-meşə şəraitində yolu azmaları və qarşı tərəfdə olduqları ehtimal edilir.

Hazırda hadisə ilə bağlı axtarış və araşdırma tədbirləri həyata keçirilir.