Yəmən bombardman edildi

Ərəb koalissiyası Yəməndə ən böyük hava hücumunu həyata keçirib.

ANS PRESS-in məlumatına görə, ötən gün axşam saatlarında Səudiyyə Ərəbistanının başçılığı ilə Yəməndəki husi qiyamçılarına qarşı qurulan koalisiya qüvvələri havadan hücum planlarını realaşdırıbar.

Ərəb koalisiyasının bu vaxta qədərki ən böyük hava hücumu olaraq qəbul edilən bombardmanlar zamanı Saada şəhərində 10 güclü partlayış meydana gəlib.

Hücumdan əvvəl koalisiya nümayəndələri mülki əhaliyə bölgədən çıxmağı tövsiyə etmiş, günəş batdıqdan sonra hücumlara başlayacağını bildirmişdi.

Qeyd edək ki, Parisdə keçirilən Körfəz ölkələri xarici işlər nazirlərinin görüşündə Səudiyyə Ərəbistanı naziri Adil əl-Cübeyr mayın 12-dən Yəməndə beş günlük atəşkəsin elan ediləcəyini açıqlayıb.