Türkiyədə AKP-yə məxsus avtomobilin altından bomba çıxdı – VİDEO+FOTO

İstanbulda, Sancaqtəpə deyilən ərazidə AKP-nin binasının önündə park edilmiş partiyanın üzvlərinə məxsus avtomobilin altından saatlı bomba tapıldı.

AzNews.info Haberler.com-a istinadən xəbər verir ki, partiyanın bölgə üzrə inzibati binasının qarşısında park edilmiş avtomobilin altındakı şübhəli paket vətəndaşların diqqətini çəkib. Bu barədə polisə xəbər verilib.

Əraziyə gələn polis əməkdaşları paketi incələdikdən sonra paketdə saatlı bombanın olduğunu müəyyən ediblər.

Daha sonra bomba təhlükəsiz bir şəraittə partladıldı. Hadisə yerindən dəlillər incələnmək üçün polis bölməsinə aparıldı.