Almaniyada bomba həyəcanı: minlərlə insan evakuasiya olundu – FOTO

Almaniyanın Hanover şəhərində torpağğın altından tapılan partlamamış bomba həyəcana səbəb oldu.

ANS PRESS-in məlumatına görə, bomba səbəbindən ətrafda yaşayan 31 000 nəfər yaşadıqları yerdən evakuasiya olunublar.

Şəhər rəsmiləri 250 kiloluq bombanın köhnə bir orta məktəbin altından tapıldığını deyiblər.

Hadisə yerinə cəlb olunan 850 nəfərlik yanğınsöndürən və xilasedicinin səyləri ilə bombanı zərərsizləşdirmək mümkün olub.

Aşkarlanan bombanın II dünya müharibəsindən qaldığı və ABŞ hərbi hava qüvvələri tərəfindən atıldığı güman olunur.