Avropalılar Merkeli donuza bənzətdi – FOTO

Sual yaranır: Cənubi Qafqazın bu uzaq ölkəsi təxminən yarım milyard əhalisi olan və 28 ölkəni birləşdirən Avropa İttifaqı nədən belə qəfildən belə xüsusi strateji əhəmiyyət kəsb etməyə başlayıb? Avropa avropalıları narahat edən bütün problemləri bir kənara ataraq doğrudanmı yalnız bir ölkəni - özü də adı Avropa qitəsi sakinlərinin əksəriyyətindən ötrü heç nəyi ifadə etməyən bir ölkəni! - xilas etmək üçün bütün gücünü səfərbər edib? Absurd deyilmi? Bu nə sərsəmlikdir?

Lakin Avropanın bu yeni Azərbaycan tapmacası üzərində uzun-uzadı baş sındırmağa dəyməz. Tarix dərsliklərindən də yaxşı tanış olan ekspansionizm, yeni satış bazarlarının və təbii sərvətlərin yırtıcı üsullarla ələ keçirilməsi cəhdi, qloballaşma adı altındakı müstəmləkəçilik, ali humanitar dəyərlər adı ilə parazitlik...

Qərb “millətlərüstü dövlət”in idarəetmənin liberal-avtoritar formasına söykənən yeni formasını bəsləyib becərir.

Satış bazarlarını müstəmləkə yolu ilə zəbt etməyə iddialı olan indiki Almaniya məhz belə millətlərüstü dövlətin təcəssümüdür. Almaniya təkrar kapital yığımı sahəsindəki dərin böhrandan və beynəlxalq aləmdə qüvvələr nisbətinin əhəmiyyətli dərəcədə dəyişməsindən istifadə edərək Avropanın xeyli ölkəsini özündən asılı vəziyyətə salıb.

Bir çox Avropa ölkələrində, ilk növbədə isə özünün bütün bəlalarının səbəbini Almaniyanın yürütdüyü siyasətdə görən Yunanıstanda Angela Merkelə qarşı amansız bir kampaniya başlayıb.

Virtualaz.org saytı yeri gəlmişkən onu da xatırladır ki, Almaniya kansleri həm də yeni antiazərbaycan kampaniyasının əsas ilhamvericisidir.

Bəs Avropa xalqları frau Merkelin ekspansionizmini necə qarşılayır?

Yeni iqtisadi iflasın və “böyük depressiya”nın baiskarı olan frau Merkelin kansler (əvvəllər isə kayzer) Almaniyasının yeni hücumundan hiddətlənmiş müxtəlif Avropa paytaxtlarında necə qarşılandığına və qiymətləndirildiyinə özünüz də şahid olun.

Virtualaz.org saytı avropalıların kanslerə reaksiyasını göstərən rəsmləri təqdim edir: