Azərbaycan terrora qarşı mübarizədə ABŞ-la əməkdaşlıq edir

ABŞ Dövlət Departamenti 2014-cü ilin Terrorçuluğa Dair Hesabatını dərc edib. ANS PRESS-in məlumatına görə, hesabatda Azərbaycanın ABŞ və NATO ilə terrorla mübarizə sahəsində əməkdaşlıq etməsi öz əksini tapıb.

"Azərbaycan terrorçuluğa qarşı mübarizəmizdə uzun müddətdir ki ABŞ-la tərəşdaşlıq edir. Sözügedən tərəfdaşlıq həm NATO həm də Əfqanıstanda Beynəlxalq Təhlükəsizlik Güvvələri ilə birgə fəaliyyət də daxil olmaqla, müxtəlif fəaliyyətlərdə öz əksini tapıb.

Azərbaycan ABŞ və NATO-un terrorçuluğa qarşı fəaliyyətinə Əfqanıstanda əməliyyatlar üçün zəruri olan avadanlığın və təchizatın tranziti vasitəsilə ilə yardım edir. ABŞ və Azərbaycan terrorçuluğun maliyyələşdirilməsi və çirkli pulların yuyulmasına qarşı aparılan mübarizədə də müsbət əməkdaşlıq edir".