Minsk qrupunda Ermənistan Türkiyənin əleyhinədir

“Bu proses konstruktiv xarakter almalıdır”.

ATƏT-in Minsk qrupunun tərkibində sonradan Qarabağ məsələsində tərəfsiz qala bilməyəcək dövlət olmamalıdır.

Oxu.Az news.am-a istinadən xəbər verir ki, bunu iyun ayının 18-də İrəvanda keçirilən NATO-nun “Rose-Roth” assambleyasının 89-cu seminarında Ermənistanın müdafiə naziri Seyran Ohanyan Azərbaycanın ATƏT-in formatını genişləndirmək məqsədi ilə ora Türkiyə və Almaniyanın daxil edilməsi təklifinə dair suallara cavab verərkən bəyan edib.

Bu illər ərzində erməni nazirinin sözlərinə görə, atəşkəs haqqında razılıq əldə edildikdən sonra ATƏT-in Minsk qrupunun sayəsində sülh bərqərar olub, amma təmas xəttində hərdən atəşkəs rejimi pozulur.

“Biz hesab edirik ki, bu proses davam etməli və konstruktiv xarakter almalıdır. Etibar tədbirlərinin hazırlanması üçün yeni mexanizmlər tətbiq edilməlidir”, - Seyran Ohanyan vurğulayıb.