Putin fərman verdi: ordunun dinc dövrdə verdiyi itkilər dövlət sirri oldu

Virtualaz.org saytı xəbər verir ki, bu fərman Kremlin rəsmi saytında dərc olunub. Fərmanın imzalanması Rusiya hərbçilərinin Ukraynada gedən döyüş əməliyyatlarında iştirakı və həlak olan hərbçilərlə bağlı faktların ictimaiyyətdən gizlədilməsinin getdikcə çətinləşdiyi bir vaxtda verilir.

Rusiya insan haqları müdafiəçiləri Ukraynadakı döyüşlərdə həlak olan hərbçilərlə bağlı faktları toplayır və Müdafiə Nazirliyindən izahat tələb edir.

Həmçinin Putinin digər fərmanı ilə xüsusi xidmət və hüquq-mühafizə orqanları tərəfindən məxfi əsaslarla əməkdaşlığa cəlb edilməsi üçün öyrənilən şəxslərin barəsində məlumatlar da məxfi elan edilib.

Əvvəllər ancaq məxfi əməkdaşlığa cəlb edilmiş şəxslər barədə məlumat dövlət sirri idi.