Rusiya ballistik nüvə raketlərini hara yola salır? – VİDEO

İnternetdə Rusiyanın mobil platforma üzərində yerləşən “Topol-M” və “Yars” ballistik nüvə raketlərinin bərəyə yükləndiyini əks etdirən videokadrlar yayılıb.

Virtualaz.org saytı xəbər verir ki, Federal Kəşfiyyat Xidmətinə yaxın “lifenews” kanalı bu videokadrları şərhsiz təqdim edib.

Kadrlardan görünür ki, nəhəng nüvə raketləri hərbçilər tərəfindən bərələrə yüklənir və dəniz yolu ilə harasa yola salınır.

Raketlərin hara yola salındığı məlum olmasa da Rusiya rəhbərliyi bu yaxınlarda xəbərdarlıq etmişdi ki, Krımda nüvə raketləri yerləşdirilə bilər. Bu baxımdan ehtimal edilir ki, raketlər dəniz yolu ilə məhz Krıma yola salınır.