Rusiya azərbaycanlıların Yəməndən çıxarılmasını davam etdirir

Göyərtəsində 6 Azərbaycan vətəndaşının olduğu Rusiyaya məxsus Tu-154 təyyarəsi Cibutidən havaya qalxıb.

Oxu.Az RİA Novosti-yə istinadən xəbər verir ki, Rusiyanın Cibutidəki səfiri Valeri Orlovun sözlərinə görə, təyyarənin göyərtəsində 49 rusiyalı, 18 ukraynalı, 6 azərbaycanlı və 6 belarus, 11 özbəkistanlı, üç türkmənistanlı, estoniyalı və somalili var.

Bundan başqa, 40-dan artıq adam yəmənlilər, əsasən atalar və qarışıq nikahdan olan, Rusiya pasportu olmayan şəxslərdir.

Qeyd edək ki, aprelin 12-də Rusiya Qahirədən (Misir) Cibutiyə xüsusi təyyarə göndərib. Məqsəd Yəməndəki rusiyalı və bir sıra digər ölkələrin vətəndaşlarını təxliyyə etməkdir.