Türkiyənin müdafiə naziri Azərbaycan xalqına təşəkkür etdi

Türkiyənin müdafiə naziri Hulusi Akar Sarıqamış əməliyyatının 104-cü ildönümü münasibətilə bəyanat verib.

Virtualaz.org yerli KİV-ə istinadən bildirir ki, Akar Sarıqamış əməliyyatında türk əsgərinin dastan yazdığını bildirib.

Nazir bəyanatında Nargin adasında saxlanılan türk əsgərlərini də unutmayaraq, Azərbaycan xalqına dəstəyinə görə təşəkkür edib.

“Sarıqamış şəhidlərini yad etdiyimiz bu əlamətdar gündə “tək millət, iki dövlət” ifadəsinin ən gözəl nümunəsini nümayiş etdirən Azərbaycan xalqının Nargin adasında zorla saxlanılan məhmətçiklərimizə etdiyi yardımları da hörmətlə yad edirik”, - deyə H.Akar vurğulayıb.