Tramp qəhrəmanlığından danışdı

ABŞ prezidenti Donald Tramp Suriyadakı siyasətindən danışıb.

Oxu.Az-ın xəbərinə görə, Tramp bu barədə öz Twitter səhifəsində yazıb.

“Əgər Donald Tramp yox, başqa biri mən Suriyada etdiyimi etsəydi (...), o, milli qəhrəman olardı”, - ABŞ prezidenti yazıb. – İŞİD tamamilə məğlub edilib, biz öz qoşunlarımızı çıxarırıq, həmçinin terror qruplaşmasının qalıqlarını məhv edirik”.

Tramp həmçinin seçkiqabağı kampaniyasında Suriyadan çıxmağın lehinə çıxış etdiyini xatırladıb.

“İndi mən qoşunları çıxardığım vaxtda, yalan xəbərlərə dərc edən nəşrlər və mənim gəlişimə qədər lazım olanı edə bilməyən uğursuz generallar məndən və mənim taktikamdan şikayət edirlər”, - ABŞ lideri qeyd edib.

“Mən sonu olmayan müharibələrə qarşı çıxış etmişəm”, - qeyd edib.