İranın XİN rəhbəri təsdiqlədi: Şahzadə həqiqətən də sui-qəsd planı hazırlayıb

Xəbər verdiyimiz kimi, Səudiyyə Ərəbistanının vəliəhd şahzadəsi Məhəmməd bin Salmana yaxın olan yüksək vəzifəli məmurlar və kəşfiyyat işçiləri 2017-ci ilin martında paytaxt Ər-Riyadda bir qrup biznesmenlə gizli görüş keçirərək, İran vətəndaşlarının sifarişlə qətlə yetirilməsini müzakirə ediblər.

Virtualaz.org yerli KİV-ə istinadən bildirir ki, “The New York Times” qəzetinin yaydığı məlumatı İranın xarici işlər naziri Məhəmməd Cavad Zərif təsdiqləyib.

XİN rəhbəri İrana sui-qəsd planı ilə bağlı məlumatların daxil olduğunu bildirib.

"Bəzi İran rəsmilərinə qarşı sui-qəsd planının hazırlanması barədə bizə etibarlı mənbələrdən məlumat verilib", - deyə Zərif vurğulayıb.