Lukaşenko Belarusda noyabrın 7-nin qeyd olunmasını izah etdi

Belarus prezidenti Aleksandr Lukaşenko Oktyabr inqilabının ildönümünün (7 noyabr) qeyd olunmasını tarixə bəslənən hörmətlə izah edib.

Oxu.Az-ın verdiyi xəbərə görə, bunu dövlət başçısı Vitebsk vilayətinə səfəri zamanı yerli əhali ilə görüşdə deyib.

“Biz bu bayramı istirahət günü kimi saxladıq. Əlbəttə ki, bu bir qədər fərqli yanaşmadır. Çoxları bu inqilabı uzaqlarda görürlər, axı 100 il ötüb. Amma bu bizim tariximizdir. Onu nə pozmaq, nə də yenidən yazmaq olar”, - Lukaşenko bildirib.