Ukrayna döyüş sursatının 40 faizini itirdi

Son 1,5 ildə hərbi anbarlarda baş verən hadisələr nəticəsində Ukrayna malik olduğu hərbi sursatın 40 faizini itirib.

Oxu.Az “Zerkalo nedeli” nəşrinə istinadla xəbər verir ki, 2017-ci ilin əvvəlindən tapança gülləsindən başlayaraq “Toçka-U” ballistik raketlərinə qədər bütün növ sursatlardan ümumilikdə 210 min ton məhv edilib. Bu isə Ukrayna ordusunun Donbasda keçirdiyi əməliyyat zamanı sərf etdiyi sursatdan 3 dəfə çoxdur.

Qeyd olunur ki, Ukrayna büdcəsi itkiləri bərpa etmək gücünə malik deyil. Məsələn, 152 millimetrlik top mərmisi dünya bazarında 2-3 min dollara satılır.