Əliyevlə Paşinyan arasında operativ əlaqə mexanizmi hələ qurulmayıb

"Ermənistanın baş naziri ilə Azərbaycan prezidenti arasında operativ əlaqə mexanizmi hələ ki qurulmayıb".

Virtualaz.org “Aysor”a istinadən bildirir ki, bunu parlamentdə çıxışı zamanı Düşənbədə Azərbaycan prezidenti İlham Əliyevlə söhbətindən danışan Ermənistanın baş naziri Nikol Paşinyan deyib.

“Azərbaycan prezidenti ilə operativ əlaqənin yaradılması istiqamətində iş gedir. Məmnunluqla deyə bilərəm ki, son günlər təmas xəttində vəziyyət müqayisəolunmaz dərəcədə daha sakitdir”, – deyə Paşinyan vurğulayıb.