Avropa İsraili Fələstindəki qəsəbəni məhv etməkdən çəkinməyə çağırdı

Fransa, Almaniya, İtaliya və Böyük Britaniya Xan əl-Ahmar qəsəbəsindəki evlərin uçurulmasının ağır nəticələr verəcəyi ilə bağlı İsrailə xəbərdarlıq ediblər.

RİA Novosti bildirir ki, bu barədə sözügedən ölkələrin birgə bəyanatında deyilir.

Ölü dənizə gedən yol Qüds şəhəri yaxınlığında yerləşən Xan əl-Ahmar qəsəbəsindən keçir.

İsrail bu qəsəbədəki evlərin qanunsuz tikildiyini əsas gətirirək onların uçurulacağını bəyan edib. Orada yaşayan 200 ərəb isə məcburən köçürüləcək.

Fransa, Almaniya, İtaliya və Böyük Britaniya İsrail hökumətinə müraciət edərək qəsəbənin məhvi planının icrasından çəkinməyə çağırıblar. Müraciətdə qeyd olunur ki, bu addımın nəticələri çox ağır olacaq.