Arif Alvi Pakistanın yeni prezidenti oldu – YENİLƏNİB

Pakistanın hakim partiyası olan “Texrik-e-İnsaf”ın (Ədalət üçün hərəkat) namizədi Arif Alvi ölkənin 13-cü prezidenti seçilib.

Bununla bağlı “Geo” TV səsvermənin qeyri-rəsmi nəticələrinə əsasən məlumat yayıb.

Seçkilər federal parlamentdə və dörd əyalət assambleyasında yerli vaxtla 10-dan 16-yadək keçirilib. Rəsmi nəticələrin bu gün axşam saatlarında açıqlanacağı gözlənilir.

Xatırladaq ki, ölkə prezidenti postu uğrunda üç namizəd mübarizə aparıb: Arif Alvi, Pakistan Xalq Partiyasından Aizaz Axsan və müxalif birləşmələrin nümayəndəsi Maulana Fazl-ur-Rahman.

**15:55

Pakistanda 130-cu prezident seçkiləri yekunlaşıb. Seçkilərin yekunlaşması barədə Pakistan Mərkəzi Seçki Komissiyası bildirib.

Komissiya hazırda səslərin sayılmasına başlayıb. Səsvermənin nəticələrinin bu gün axşam elan olunacağı gözlənilir.

Ölkə prezidentliyinə namizədliyini 3 nəfər irəli sürüb.

Qeyd edək ki, Pakistanın hazırki prezidenti Məmnun Hüseyn ikinci müddətə prezident seçilmək üçün namizədliyini verməkdən imtina edib