Merkel Azərbaycan səfərini niyə ləğv etmədi? – VİDEO

İsrailin “ILand” telekanalı öz verilişlərindən birini Almaniya kansleri Angela Merkelin Azərbaycana gələcək səfərinə həsr edib.

Belə ki, verilişin aparıcısı səfər öncəsində Azərbaycanın Xristian-Demokrat İttifaqından Merkeli müşayiət edən deputat Albert Vaylerin ölkəyə girişinə qadağa qoymasını xatırladıb. Qadağaya səbəb Vaylerin icazəsiz olaraq Dağlıq Qarabağa səfər etməsi olub.

Aparıcı sual verir ki, nəyə görə komandasının üzvünə Azərbaycana giriş qadağan edildikdən sonra Merkel ölkəyə səfərini ləğv etməyib. Buna cavab olaraq studiyada olan ekspert bildirib ki, bu dövlət səfəridir və alman deputatına qoyulan qadağa onu təxirə sala bilməz.

Eyni zamanda, telekanalın əlaqə saxladığı ekspert Mixail Krutixin qeyd edib ki, Angela Merkelin Bakıya səfəri kommersiya xarakterindən çox siyasi xarakter daşıyır.

“Hamı deyir ki, Merkel Azərbaycana qaz dalınca gedir. Lakin yadda saxlamaq lazımdır ki, Avropa yalnız 10 milyard kub metr qaz alacaq, bu isə dənizdə bir damladır. Azərbaycanla Türkiyənin xüsusi münasibətlərinə və Almaniya-Türkiyə münasibətlərinin hansı böhran vəziyyətində olmasına diqqət yetirmək lazımdır. Bu siyasətdir, kommersiya deyil”, - o bildirib.